POLITIK KOY FECCII KADI SEERNDII YIMƁE

Rendinii jiiduɓe, nattii hay haaldude seerndii sehilaaɓe, nattii hawrude Seertinii rennduɓe, yaadiiɓe mbaɗii labi celi, gooto fof rewii ngol mun hay caggal mun yeccitaaki. 

Politik bonnii deente yimɓe cariima carondirii, fusii galleeji, kiraaɗe e bottaaje fof koko renndanoo jooni ɗuum seertaama. Kiiɓii hay gure keewɗe, ngontii ɓeya ena ngasa ɓeya ena ngubba tee ɗuum kam hay gooto e men majjaani yaajat tan kono luggit-taa. 

yeewnii koɗdigal, hay gooto haaltaa haaldataa e goɗɗo oo, saha nih ena jaaboo ɗum, addii tikkondiral, ɓe ngonndaani parti fof jooni mbadda-taa karte, njaadataa jeere  so pottii e mbedda calmondirtaa. 

Hay kewuuji so mbaɗii njahondirtaa So kawrii jamaa e jumaa kadi hay sappowol jooni ndenndataa. 

Rennduɓe enɗam enndu wooturu muuynuɓe muuynitɓe, Jooni kam hay kosam nay nattii ñaamdude. 

     ~Politik ko pene tigi~

Politik ɓeeydii caɗeele haa heewi  ko waɗooɓe politik mbaawaa gaynude, addii ñawuuji haa heewi ɗi waɗooɓe politik hay feccere mun mbaawaa safrude, addii luural e diiwanuuji, gooto fof ne wiya ko minen njey ɗum ko minem keɓata ɗum ko minen kaandi e ɗum Ekn.. 

ɓeeydii leñam leñamaagu, gooto fof ne sikka ko kañum ɓuri goɗɗo oo, jeyeede leydi hee wadde ko kañum tan walla banndum haani laamaade

yoolii goonga teelnii ɗum, sibu gooto fof ne wiya ko kañum heedi heen ko kañum haandi heen. 

duum nii fenaande, sibu hay gooto jaɓataa hay gooto nanataa hay gooto yiɗaa hay gooto jaaɓaani annditde koy fenaande woni koy fenaande heedi. 

Ko ɗuum nih saabii goonga gooto fof ne wiya ko kañum jey gooto fof ne wiya ko kañum tan heedi heen. gooto fof ne wiya ko haali koo e ko jaɓi koo kadi ko ɗuum tan woodi ko ɗuum tan woni goonga, kala mo yaadaani heen yaadaani e goonga kala mo aldaa heen kam aldaa e goonga, kala mo jaɓaani ɗum oon kam jaɓaani goonga. 

Ɓeya ena luuka kadi ena ngoya sibu ɗomka tampere heege e baasal. 

Beya too ne pina ne ñalla ne kiira e rajooji e teleeji ena ngulla ena luuka ena duha ena piytoo becce, ɓeya ne poɓɓa kelle, ena dillina keeɗelle nde wonnoo ko famarɓe hakkille ɓe  keedi tan koy foɓɓude kelle. 

ko haaltee koo fof ɓe keɗotaako
 mbele haɓe paama, mbele ko yahetee koo haɓe ngannda ko haaletee koo wooda koɓe paami heen, taw ko goonga walla nii taw ko Ɗum fenaande, so tawii ena wona walla wonataa, kamɓe kay ko pucci ndogii tan bamɗi laawiima.