GILA FENAANDE FUUNTI GOONGA

gila fenaande fuunti goonga haa ɓoornii comci mun, goonga aanndi e hoore mum, teeli kadi  baŋnge mun. 

    
    Mawɗo gooto ganngo meeɗii wiyde

Ñalawma gooto goonga e fenaande meeɗiiɗo hawrude, kamɓe tan ɗiɗo goɗɗo tawaaka (hay Gooto) tawtoraaka. 

- fenaande wiyi goonga jam waali..........

- goonga kañumne wiyi fenaande  jam waali, ndeen ɓe calmondiri haa saɗi joofi. 

 -fenaande  jokki heen wiyi"goonga kooni ko oo, ñalawma hannde  weli, wulaani haa ɓurti ɓuuɓaani kadi haa ɓurti. 

-goonga ndaarimo ko juuti, haalaani haydara, yehi ndaaroy tawi noo fenaade, wiyrinii ne woodi arti wiyi"  fenaande a haalii goonga ko noon woori hannde kay ko ñalawma belɗo. 

-fenaande joki heen wiyi hay maayo ngoo hannde ena weli, Waddi heen kadi moosaali. 

           (...ɗoon e ɗoon...)

-goonga ndaari maayo ngoo no ndiyam ɗam way deeƴje nii, tawi kadi ko fenaande haali koo  ko goonga ko noon woori dimmbini hoore mun wiyi" kadi ena woodi fenaande a haalii goonga.

Fenaande dogi fay e ndiyam he memi ɗam wiyi haɗam ɓuuɓi, haɗam weli lootaade. 

Goonga foɗii hoolaade fenaande ɓe ɓuurti comci maɓɓe ɓe ngoni e yinaade, haa ɓooyi seeɗa tan fenaande  mooytii yalti e ndiyam he ɓoornii comci goonga, yehi laawol mum.

Nde goonga titi yalti roŋki ɓoornaade comci fenaande, woni e yaade alaa comci, jiiɗo ɗum fof soornoo yimɓe ɓee fof ndogi ɗum.

Sibu ko ɓanndu meeru goonga heddii, goonga aanndi e hoore mun alaa feere wonnde wattindii ko naaaɗde e woyndu heɓi toon heddii toon kañum tan gooto. E yeeweende mum.

Ko ɗuum saabii gila ndeen haa hannde, yimɓe ɓuri yiɗde e yaawde jaɓde ko fenaande, yimɓe ɓuri horsinde ko penoowo, ko fenooɓe hannde njogii heɗatooɓe, sibu ɗaminaare. 

Hannde so goonga e fenaande ena kaɓa heewɓe heen ko fenaande keedanta sibu ko fenaande ɓurani ɗumen goonga laaɓɗo cer....