CEHILAAGAL GOONGA! E GOONGA.

«HAA  JOONI NE HEƊDII NE WOODI

Cehilaagal goonga e goonga taw jillaani hay-dara njilɓaani goɗ-ɗum. 

Gannda-taa Cehilaagal goonga e goonga ne woodi, kadi haa jooni ne heɗdii, ko Alla rokku maa sehil mo nganndu ɗaa ko aan ɓurani ɗum hoore mun. «.. YERU MUN..» 

Ko Sagata: gorko gooto meeɗiino jogaade, caɗeele mawɗe haw jaahli heen no feewi, o ɗeɓi kadi aandude heen e hoore makko, sibu roŋku de mo heɓannde ɗum feere, kono kam

Alla waɗi o siftori  wonnde hamo jogii Sehil makko mo o yaakorii E mun no feewi.  

ɗoon e ɗoon o hocci telfoŋ makko O noɗdi sehil makko ɓe salmo-ndiri haa saɗi joofi o wiyi" ɗum ko maa njaafo ɗaa kono meɗa jogii e maa haaju mawɗo, no feewi oon wiyi" mo mbaar ko jam deh O wiyi ɗum! ko jam dee kono won ko ɓuri ɗum, ko jiɗnaaɗo men debbo oo, tan woni mo sellaani(Neenam) meɗa sohli kaalis ko safrir moomi tee mi alaa hay mbuuɗu oo ɗoo sahaa njiɗmi so ko tawii aɗa jogii kaalis ñamlaa kam mi safrira neenam. Ɗoo haa yeeso Seeɗa somi dañii mami yoɓe kaalis maa so hawree weeleede Allah. 

ɗoon e ɗoon sehil makko oo, wiyi" mo eey mi faamii, kono miɗo jaggi seeɗa wadde noon nodditam ɗoo e ɓooyde seeda mami haalane, Hol to njiida ten mi rokku maa ko naamdi ɗaa kam koo, (kaalis ko cafrir ɗaa neene ma), o wiyi ɗum eey mi faamii mi jaɓii, wadde mbaɗen no mbiyi ɗaa niih haa ɓooya seeɗa. 

Ndeen o fellitii, o jooɗii haa ɓooyi seeɗa, O nodditi sehil makko o tawi telfoŋ mun ko ko sohii, (ko ko ñifi)  o wiyi ko ɗuum haawni o waɗti kadi o tawi no waanoo nih haa jooni ko noon way,  telfoŋ sehil makko kay ko ko sokii o waɗdi heen haw tampi o roŋki heɓde sehil makko oo. Sibu telfoŋ mun ko ko ñifi "sonataa nih». 

o ummii ɗoon, O yehi ndaaroyde sehil makko goɗɗo, mbele ina walla mo kono o tawi oon alaa haydara oon waawa wallu-demo, o ndaari o ndaarti baŋnge yoo baŋ, kono o roŋki heɓde haa yoori. 

Ndeen o felliti hootde galle maɓɓe nde o yottii o tawi ko neene makko ina lelii ina ɗaanii, Leɗɗe de o foɗ-noo sooɗde ɗee fof ena fawii e hoore Lemme mun. 

Ɗuum ɗeɓi haawde mo seeɗa o laamndii miñiiko gorko ne won noo ɗoon, oon wiyi" mo ko sehil maa! Kaari ari ɗoo ƴetti ordinaas oo, yehi sodoy leɗɗe ɗee fof addi hamona yaha jooni jooni o yaltu tan ngarɗaa

Mi sikkuno nih on pottii to demal galle ɗoo. 

O moosi gite makko mbeɗdii gonɗi O yalti galle oo, o abbii sehil makko nde ɓe njiyi ndiri, tan o naamndii ɗum, o wiyi" ɗum aan kam to ngon no ɗaa, mi noddi tiima mbaɗdumi e niimero maa! Telfoŋ haa tampumi Ndoŋkumi yoo yah, tawmi telfoŋ maa ko ko ñifi. Sehil makko oo, jaabii mo wiy" mo haɗi niimero am yahde tan taw mi yeeyii telfoŋ am coodanmi heen neene maa! Leɗɗe mun. 

Banndam miijo tan, sinno ko aan won noo, hol ko tinataa e ɓanndu maa, Aɗa jogii telfoŋ mo njeyan ɗaa hoore maa, kono a waawa ɗum yeeyde cafriraa jiɗnaaɗo ma Hakkile maa araani heen nih. 

Gooto e men fof na jogii ko rokki goɗɗo oo, gooto e men fo ne waawi wallude goɗɗo oo. Heewi famɗi. 

Gila wadde haaju joomun haaju maa, caaɗeele mun caɗeele maa. Mballiraa ɗum kaalis maa, jawdi maa, moƴƴere maa e yurmeende maa fof ko ballal haydara heen famɗaani haydara heen yawnaaki. 

Hay jaleeɗe koy ballal jeyaa so wayii no foti waade, rewii ɗo foti rewde, waɗaama no foti waɗireede. 

HAY GOOTO E MEN WAASAANI HAA ROƊKI KO ROKKI. On njaaraama. 

SUIVEZ-NOUS SUR YOUTUBE
RENNDO FULƁE