FULƁE : EƊEN KAANI ƁEEYDUDE TINNAARE E FANNUUJI KEEWƊI.

NO KEEWƊEN WIYDE NIH TAN. 

Fulɓe, ne keewi wiyde, Alaa ɗo yah noo, artii ɗo wonnoo, wadde noon No keewno ɗen wiyde nih tan, haa hannde haa jooni KAM ko noon tan mbiyeten, sibu ko jaamaanu mo kawru ɗen hannde oo e hoore mun naamndii ɗum, wadde kam so eɗen njiɗi heɓde geɗal men e Aduna-hee haa timma, taw koy fannuuji keewɗi, kadi kala to haala woɗɓe haalaa, mbele haala men ne haalee ɗoon, innde leñol men innee ɗoon en njaɓat yahdunde e jamaanu no haanirta nih. 

Somi wiyi [yahdunde e jamaanu] noon, firtaani yoo en pirtu fof e men yoo en ngoppu fof e men walla nih yoo en njejjit fof mbelsindo ɗen fof.

Alaa wonaa ɗuum…njiɗmi wiyde wonaa ɗuum kadi njiɗmi paamon e haalam, KONNGOLAM yahdunde e jamaanu, kay firti ko yoo en coftan ɓeeydude ganndal, yoo en coftan ndaarrude ganndal, mbaasen kadi Aamannde Gannde kese ɗee, sibu hannde haɗe njeyaa e ko waawi nawde leñol yeeso e nawde hay leydi yeeso. 

Sibu meɗa heewi nande heewɓe e men ne mbiya  tuubakooɓe  njiɗi tan ko yoolde hanki men, koɓe ngaddata ko hesɗii koo fof. ɓe njiɗi tan ko ndewen heen, nguurte ɗen heen kadi njejji ten ko men koo fof mbelsindo ɗen kadi hanki men. 

Mi wiytaa fof ko fenaande, walla nih alaa heen fof ko woodi kono kam so tawii eɗen njiɗi yahrude yeeso no haanirta nih, taw kadi koy e fannuuji keewɗi, ko maa ngabbo ɗen e gannde kese ɗee, taw kadi en kaaɗaani tan e jaŋngude heen seeɗa tan, no mbatten jooni nih eɗen poti huutoraade ɗum no haanirta nih, naftoro ɗen ɗum no haanirta nih, coftanen ɗuum kadi no haanirta nih. 

Mbaasen tan jagirde koye men jigga-tooɓe e huunde fof e fannu fof yontii wooda enen ne ko peewnan ɗen koye men, yontii wooda ko njeyan ɗen koye men. Hootoraade en tan ko woɗɓe njey, e ko woɗɓe peewni. Hay nokku ɗuum kam nawataa en eɗen poti etaade ñemmbude, no way fof mbele ena wooda enen ne ko peewnu ɗen, sibu ndeen maa woot heen ko njey ɗen so haala annduɓe ko fayti e gannde kese ne haalee, ndeen maa haala men haale heen leñol kadi siftoree heen. 

kono ndaaree renndo men hannde no way nii ena famɗi e men hannde  mo alaa telfoŋ android, ena famɗi e men mo alaa whatsAp, viber, walla Facebook, Ekn…

Kono so tawii a ndaarii a ndaarti-ndiima no feewi maa taw teemedere, heen fof ko yimɓe noogas tan, mbaawi heen waɗde (cree) compte facebook. 

Heɗdiiɓe ɓee, taw hay udditde WhatsAp e weeɓde mbaawaa, taw noon koy WhatsAp joomun  ñallata ko heen kiirata ko heen kadi nih mbaalata. So a naamndiima ɗumʼen hol ko saabii waawaa udditde hay compte whatsAp joomum wiyi" maa miin mi yahaani ecole.

Trouver Nous sur Youtube. 
RENNDO FULBE