HAANDE KAM KALA GOONGIYAŊKE
«. . KO PAMƊUƊO SEHILAAƁE.. »
Hay yaadiɓe maa kon seertooɓe, hay ɓe pijjuno ɗaa mawnit-ɗaa ko ko mbattata maa reentaade, ɓe njaggirtu maa ko a neɗɗo goɗɗo, ceerndoowo Sirlu fof caaktoowo, ɗum fof tan, Sibu Aan kam kala ko wonaa goonga kaa salo-tooɗo a wonaa jaɓoowo fenaande a wonaa jaɓɓotooɗo.
AAN KAM HAY GOOTO A JIŊNGANTAA GOONGA KAY KAA CEEƊTO-TOOƊO.
Pulaar wiyi" Goonga jiŋngo-taako fenaande jiŋngan-taako.
So a yiɗaa tampude, e tampinnde hoore maa, fooftu, pooftinaa hoore maa, hoto ndaartu sehil hoto yiylo hay jaadiiɗo, sibu gite heewɓe e yimɓe, aan kaa ceriino kadi ɓe njaggir maa, ɓe njaggirtu maa tan ko Cerindiino jeɗdoowo, huunde fof ɓe mbiya aan kaa caliiɗo.
HAA JOONI GOONGA ƳEEŊAANI GASAANI, ENA WOODI USTIIMA KONO INA HEƊDII, REWƁE HEEN NE NGOODI KO ƁEEN NGONI SALIIƁE FENAANDE.
Yonta men hannde kam kala kaaloowo goonga, jooɗiiɗo jooɗtoriiɗo goonga oon alaa heen geɗal, sibu so noddii hay gooto noototaako.
Saa haalii hay gooto heɗotaako, sibu jooni koy aduna ɗaminaare ngon ɗen koy aduna yawre kadi ngon ɗen, Hay gooto yiɗaa, hay gooto yonndinaaki e ko jogii koo, jooni Hakkillaaji men ngoni tan koy goɗɗum, eɗen mbaawi wiyde ko ɗuum nii saabii hannde Kala ɓurɗo waawde fennde ko oon ɓurɗen waawde heɗaade hettaade ko caggal mun ɓurɗen heewde rewde…
ñannde fof ena haala ko waawaa
ñannde fof ena haala ko waɗataa,
ñannde fof ena haala ko wonataa.
Kono nde wonnoo joomun ko haalata koo fof e heewde wiyaani heen hannde, wiyaani heen janngo, yimɓe ɓee fof ne njaadi heen, hay so tawii ko ɓuri heewde heen ena nganndi wonataa waɗataa, kono ɗaminaare woppataa gite men en muɓɓittaa goonga en ndaara taa en ndaarta taa.
PULAAR WIYI" ɗaminiiɗo maayata koy damal suudu penoowo.
Kono kadi ko Salaade aadi ɓuri firtude aadi sibu kala pirtoowo aadi oon kam ko ñaamoowo jiiba.........
TAWEE MIN TO YOUTUBE
RENNDO FULƁE
Nos dernier vidéo
Pulaareje
RépondreSupprimer