HANNDE KO HANNDE JANNGO KAM KOY JUNNGO ALLA TAN WONI..
 |
| "Pulareeje" |
« WAƊTU HEEN HAKKILE MAA»
Kala ko woni ne woodi, kala ko jogii ɗo fuɗi, e ɗo fuɗɗii.. hawnaaki taw ina jogii ɗo haaɗi, kala Jooɗoriiɗo jooɗtoriiɗo ɗum kam fooftii fooftini hoore mum.
Neɗɗo yo ardin miijo e hakkile mun e huunde fof kadi teeya heen, taw tayaani taayaani heen. Hay so tawii nih ne teela heen, kañum gooto.
Banndam! kala ko aɗa waɗa Hoto yejjit miijo heen haŋki.. hannde... e janngo, jeŋnguɗo, jaaŋɗo oo.....
«KO GOONGA »
Nganndee koy Ko hoɗdiro waawi nehiiɗo waawi keñiiɗo e kejjiiɗo, ndawrude koorka nih kam baalduɗo pinnduɗo, waawi kadi kebiiɗo kebliiɗo e pellitɗo fof, waawi nih pirɗo kirɗo e kiirɗo, waawi perɗo e parɗo fof,waawi kaarɗo, kaar ngaarɗo, demal kay gaynuɗo, jalo ɓaarɗo.
«NDEEN NOON»
Ko waade waɗde ko feewi hay so feeñaani E waade kadi no moƴƴi tan woni ko gooto e men fof haani tinnaade... daranaade Haani nih, faarnoraade.
KO SIBU NOON WAƊI SABAABU.
Nganndee ko Alla dee tagi juulɓe, ɓeen dee Alla ko rewooɓe, gese remooɓe, hay anɗam nih ko ɓe jokkooɓe, hay ɓirɗam dee ko ɓe yarooɓe yarotooɓe baali, yeeso Yahrooɓe.
Ko Alla tagi juumɓe, majjuɓe ɓeen dee ɓe njuulataa, ɓe koora taa, hay Alla ndewataa, njumri jumataa, hay ko moƴƴi ɓeen ɓe mbaɗataa hay mooƴu ɓe mbarataa.
ko Alla tagi yimɓe fooc-ciiɓe, ɓe celataa celmbataa, e laawol pooc-cingol, ɓeen ɓerɗe mumʼen ñawataa, ko Alla tagi yimɓe ooñiiɓe ɓe meeɗaa meeɗaani meeɗataa fooccaade ɓeen hay gooto waawaa ɓe ooñcude, e fooc-cude.
ko Alla dee tagi ƴulɓe, tagi juutɓe, jutɓe e juɗooɓe, tagi ko tagii taggii e ko tagaa e no tagorii fof. .
Neɗɗo ne fewa ne fewja, kono ko jibinta koo, e ko feewata koo fof kam ko Alla tan anndi, nde o yamiri yonti fof noon wona, kadi waɗa, alaa giɗtoowo.
Neɗɗo yahata tan koy hoɗdiro alla nde arata e oo aduna nih tinaani.
«HAY SO INA YAHA KO NOON»
Neɗɗo ɓooyii e oo aduna taw nih, mbiymi so wonaa bojji, ɓoli ɓollolli, taw hoore mun alaa fof ko waawani, hay so tawii ne jogiii ɗo waali, so heeyɗii ko maa ñamminee muuyninee, hay ndiyam so wallaaka heen yarnaa yarnaaka, yarataa tee ɗomka kam ko maayɗo, so ɓooyii ɓooytii nih ko maayoowo, sibu ɗomka.
Kono so neɗɗo naatanii, mawnudu to bannge duuɓi, ko fannuuji ɗii fof nawdata, naworata e Hakkile mun.
Huunde fof tan yiɗi heen ko ɓurde, heen
Ganndal, Ngalu, Pinal, Laamu, Jawdi, Jom Konngol, (kaaloowo tan yimɓe fof keɗoo) fof so heɓii so heɓaani, yiɗi ko wonnde heen. Jeyeede de heen.
ko ɗuum sabii ñannde kala ñannde fof ina doga daraaki dartaaki, ina heɓa, ina haɓɓa, tan ina yawa ko heewɓe keɓaani kono yonaaka yonndi-naaki.( e gite mun ko seeɗa) hay so tawii" pulaar ne wiya,
«Seeɗa alaa ko barke woodi»
[konngol pulaar]
Neɗɗo kam jooɗii jooɗtorii faarnorii tan ko hooynaade ko woɗɓe, E wonɓe dow mun njogii, ina sooynoo wonɓe yeeso mun, kono wonɓe les mun yuurnaaki yurmaaki yuurnitaaki..
Won heen yimɓe yiɗde mumʼen ko cifiɗen dow ɗoo seeɗa koo, waɗii ɗumʼen waɗtii ɗumʼen goɗɗum, jaranii ɗumʼen huunde fof kala ko mbaaw ɗaa miijaade so ko tawii ne adda jawdi, ne adda ganndal, ne addana ɗumen tineede e tinnteede ina adda laamu, ina jarani ɗumʼen. Huunde fof, wujjude, fennde Ekn…
HAYDARA HEEN ƁE NGOPPAANI
Kuɗol : S.S.B.SW.
SUIVEZ-NOUS SUR YOUTUBE
👇
RENNDO FULBE
Nos Dernier vidéo
Aucun commentaire:
Enregistrer un commentaire