NEƊƊO KAM TIMMAANI

Neɗɗo kam  naati koy hoɗannde hesere, hoɗannde niɓɓere, caggal nde jibinaa (ari e aduna.

ɗoon e ɗoon neɗɗo fuɗɗoo yiyde ko taarii ɗum, e ko hurlii ɗum, taw haydara alaa ko anndi heen, walla ena humpaa ko ɓuri heen heewde. 

hoore e hakkile fof hay ganndal gootal alaa heen,(ena famɗi ganndal ) yaha haa ɓooya neɗɗo yalta ena yaha e laabi ena lemoo ne hooy-noo, huccana suudu jaŋngirdu, ko ɗoon jibinegol mun kuftidinngol fuɗɗa too. 

naatana mawnude ko aldaa e seesa aldaa e seeɗa, duuɓi mun ne ɓeeydoo tan, Hakkile ena mawna taw kadi ena yaadi e ganndal, pinal fof ne ɓeeydoo.

ɗoon neɗɗo o ɓura nanndude, no feewi e neɗɗo tan naatɗo e hoɗannde mawnde, taw kadi ena wonndi e Niɓɓere heewnde kul-lalaaɗe cariiɗe {kore ɗe cuwaa taw wawteede}...  

ɗoon neɗɗo ina tina e hoore mun ena joogii naamnde keewɗe, kono alanaa ɗumen hay jaabowol gootol, kono aduna ne yaha nguurdam addee, ina ɓeeydoo juutde tan ɓooygol mun e ndee hoɗannde niɓɓere, ne ɓeeydoo ɓooyde, neɗɗo fuɗɗoo etaade wawdute won heen kore, mbele ena humpi too ko woni toon. 

ko noon ne kadi neɗɗo fuɗɗortoo, anndude nafoore won heen e kul-lalaaɗe, haa watta huutoraade ɗumen. (Annda ko woni heen )

caggal ɗuum kadi yaha haa ɓooya neɗɗo wona e miijaade, e miicci-ndaade wiya e ɓernde mun wonko nganndumi haa heewi Kono komi andaa ko kadi ina heewi famɗaani. 

ko hono nih, miin e yonta men hannde kaani wuurdude ko ngoo miijo kaan ɗen jogaade, Ko ɗuum kaan ɗen joottoraade.

NDE NGARATAA NDEE A TINAANI KO ƊUUM SAABII HAYDARA A ADDORAANI. 

neɗɗo haani adaade, etaade anndude fof ko hoore mun, holi kañum, holko addi ɗum, holto ummii, holko saabii garal mun e oo aduna ndaarta heen jaabowol. 

reftina heen etaade anddude ko taarii ɗum, e ko hurlii ɗum,  baŋ yoo baŋ, gila ko woni fodde mum e ko wonaa fodde mun, ko foti wadde e ko fotaani wadde, ko foti reende, e ko foti reentaade. e geɗe paɗɗe ɗum janngo. 

" Maayde kam bettat, so ena ara hay gooto waynotaako, kono nguurɗo fof ne anndi ko maayoowo. Hay gooto e men majjaani leeli yaawi ko jahoowo. 

« ken hoɓɓe, en ngonaa hoɗɓe, tee koɗo kala asli mun ko hootde to ummi noo »

maa en ngummo e oo aduna no ngara ten ndee en tinaani, so eɗen njaha kadi ko noon maayde bettata kono wayno taako so ina ara, ko noon kadi ngoppir ten ɗoo, geɗe keewɗe ɗe tawɗen ɗoo kaawniiɗe, ɗe en nganndaani en ngannda-naani, e naamne keewɗe ɗe hay jaabowol gootol en keɓanaani. 

HOLKO ƊUUM FIRTANTA MIN,  MIIN E YONTAM HANNDE. e yimɓe hono a men. 

                   «ɗuum firti»

1. Ko neɗɗo alaa ganndal, alaa needi  so tawii jannginaaka kadi etaaki  waawde, etaaki anndude etaaki humpitaade, 

         

2. poɗɗen ko wonnde yimɓe yaŋki-niimi, mbaasen wonnde mawni-kiniiɓe, hoto kulen, hoto kersen, wiyde eɗen nganndi ko nganndu ɗen, so en njiɗii, kadi ɓeeydude ganndal men hoto cuuren majjere men. 

hoto kulen, hoto kersen wiyde en nganndaa ken nganndaa, ko ngon ɗen koo, njaɓen ko ɗuum ngon ɗen ko mbaaw ɗen koo, njaɓen ko ɗuum mbaaw ɗen ko nganndu ɗen koo, kadi njaɓen ko ɗuum nganndu ɗen. 

Ko nii tan mbaawir ten ɓamtaade, ko nii tan mbaawir ten anndude ken nganndaano. Ko nii mbaawir ten heɓde ko ndaarta ten. 

Caggal nde en ngandaa fof en paamataa fof en nanataa fof hoto nanen toc tan mbiyen fusii hoto nanen tol tan mbiyen helii.

Abonnés vous à notre chaîne YouTube
                       RENNDO FULBE

                Nos derniers vidéo YouTube