Hannde gooto fof ko hoore mun

Aduna oo, ne muusi gooto fof jooni woƴi ɗum tan ko hoore mun. 

Gooto fof gonɗi mum rufanta tan ko hoore mun(woyata ko hoore mun. So dañii heewi famɗi haandini koy Hoore mun. haaɗinta ko hoore mun

Jooni so tawpere e baasal kaalaama tan njiyaa gooto fof ne woytoo hoore mun, ɗum kam galo, ganndo, e miskiino fof ponndi ɗoon koye mum’en, hay gooto ardaaki goɗɗo rewi heen. 

Hay so tawii goonga e fenaande mbiyaama yoo ceernde, haa waya no gawri cottaandi saaño mun ceerndandi, haa ceerti maa yiyi" Hakkunde maɓɓe goonga e fenaande lommboo, yimɓe kurloo, gooto fof ne lemoo goɗɗo oo ne ndeera, ɓeya too ne njuurnoo ne njuurnitoo, gona kadi e miijaade e miiccaade. 

Sibu hannde goonga kam alaa emen fof

Jinnganoowo fenaande kadi  alaa emen fof jinngoowo, goonga  mo alaa nafoore alaa  jinngande ɗum,  hannde kam Alaa fof jaɓoowo,  ngool laawol dewoowo heen jooni heɓataa kadi heewataa yaadiiɓe yiytaa nih hay yeewtidiiɓe. 

Aduna hannde oo kam ko gooto fof e goonga mun mone  kala kadi e fenaade mun.

ko ɓuri heewde e yimɓe hannde Kala ko alanaa ɗumʼen nafoore hay so goonga njaɓataa, kala ko alanaa ɗumʼen ngartam hay so tawii ko ɗum goonga  njaadataa heen njiyetaak heen. 

Hay so nodaama noototaako heen

Jaaraani ko aɗa yiyloo a yiytaa ɗumʼen heen. woni goonga maɓɓe tan ko to nganndu ɗaa maa woot koɓe keɓi heen. 

      

     Suivez-nous YouTube 

       Renndo fulbe