LEYDI MALI: BONE FICAT LAACI.

LEYDI MALI: BONE FICAT LAACI 

HAREEJI LEYDI MALI WEƊDERE WIYETAAKE YOO HAAƊƊOO.

 

Kono ko  falaade ɓuri safrude, ko ferlaade ɓuri werlaade, e ladde taw ko  waɗnde leɗɗe, nde alaa laaɗe alaa hay laamɓe laaɓɓe dehdi,  ɓe cafrirtaa huunde fof laɓɓe E fitina..

YIMƁE BON ƁE NE KEEWI HANNDE 

Won yimɓe ɓe ndandu ɗaa, njiɗaa njiidaa, njiidaani kadi nganndaa jam, ɓeen kala to njiyaa, kala to tawaa ina pewja, ne peewna ne ngadda ne mbaɗa bonnande, tan ne cuuɗo ne pawa ɗum e woɗɓe, ɓe ngonaa woɗeeɓe, kadi ngonaa wiyooɓe, ngonaa waɗooɓe ngonaa toowɓe tooñoooɓe, gonaa kadi hay nih ñohooɓe, hay gooto..... 

WARNGOOJI FULƁE INA WONNDI E LEƳƳI GOƊƊI TO LEYDI MALI. 

Gooto fof ina haala heen ina haɓɓa, ina heppa, ne happa Goɗɗo oo, ne haala ko weli ɗum, taw  kadi alanaa ɗum daliiluu hay Gooto laaɓɗo cer, ɗum kam ɓeeydi tan ko juumnude yimɓe e jiiɓde ɗumʼen. (Ɓeeydude Luuraal..) 

NGARTIREE NGARTIREN HEEN ENEN FOF HAKKILLAAJI MEN MBAƊTEN HEEN HAKKILLAAJI MEN NJAAREN HEEN SEESA MBAASEEN HEÑAADE SIBU HAY GOOTO MAJJAANI, WONNDE HEÑAARA INA ADDA AƊDATA TAN KO WEÑAARE. 

Haala-kaa ne heewi no feewi gooto fof ne haala baŋnge mum, mo ne kala ne haala heen miijo mun ina aɗda heen yiyannde mun, won heen nih yaaɓe haa pelliti pewji, haalde heen goonga mumʼen, hay so tawii, nde ɗum waɗata ndee tawaaka tawtoraaka, tinaani, tintinaaka heen hay huunde, kono so a nanii tan ina kaala heen, walla ina ceeɗtoo heen no ɗum yahri tan mbiytaa ko ina tawaa nde ɗum waɗtee, ina tawaa kadi nih hay nde ɗum fewjatee. 

HEEWƁE MAAYII HEEN, HEEWƁE KADI mbaraama heen...... 

Rewɓe e worɓe, sukaaɓe e mawɓe,  hay gooto woppaaka heen tee hay gooto faltaaka heen, hay gooto ɓe paltaaki hay Galleeji ɓe nduppii...

baali, e bey fof ɓe mbarii......  

Ko maa haalee, fotaani deƴƴeede e Deeƴeede, hay gooto fotaani kadi wiyde" Miin Haaju am alaa heen ko kamɓe e bone maɓɓe, ko kamɓe e Caɗeele maɓɓe, ko heɓi ɓe fof ko kamɓe ngaɗdi e koye maɓɓe, haɓe 

Kaandi heen. 

Alaa ngool koŋngol kam so wonaa neɗɗo puuyɗo, pamaro hakkile walla majjuɗo,  mo anndaa hoore mun, alaa fof  kaaloowo kaan haala, sibu ko adii fof kam ɓe Toñaaɓe toon ɓee, ɓe mbiyaani ɓe mbaɗaani, ɓe njanaa ɓe mbaraa ɓee, kamɓe ko ɓe yimɓe no men nih, ko Adii  nde ɓe ngona Fulɓe en, bammbara en e  leƴƴi goɗɗi Ekn… 

Tee enen fulɓe, wiyde en NEƊƊO KO BANNDUM, fotaani tan haaɗde e haala ɓola, fotii ɓurde ɗoon, fotii diwde ɗoon. 

Ko waɗi mali koo ne foti haaleede sibu wonaa kaŋki tan fuɗɗii, toon kadi ɗuum jommbaani hay gooto sibu bone ficcat laaci,, tee kadi ko falaade ɓuri safrude.. 

Haalde heen noon wonaa hannde nih Tan yonti, wonaa hannde nih foɗnoo haaleede, hannde kay yonti ko wooda, ko waɗaa, mbele ko waynii ne waasa waɗtude hay nokku e aduna hee fof, yontii yimɓe fof ndennda kadi Ndeenta ngona gootum pullo, bammbara,  Ekn... 

E Ardiiɓe leydi mali e koye mumʼen 

ngona e haɓaade ko waynii, haala ɓola tan bonaani ne walla nih kono yonaani, ko maa feere wonnde e peeje goɗɗo, ndaartee heen,  mbele caɗeele bonɗe bonnooje baaɗe nih ne ñifa toon Haalaaɓe cer, ñifa kadi e Aduna hee fof haalaaɓa.  

Yoo Alla Addu jam e aduna hee fof. 

Yoo Alla danndu en e bone Ibliis. 

Yoo Alla addu kawral, to leydi mali itta toon luural e hareeje haalaaɓa. 

Waaraaɓe heen ɓee fof kadi yoo Alla yumo ɗumen yaa foo ɗumen Haarna ɗumen ALJANNA. AMAMIIN

SUR YOUTUBE

RENNDO FULBE