INTERNET E PANAALE MUM NGONTII TAMPERE

PENAALE E FENAANDE E NDER INTERNET WONTII CAƊEELE. 

(to dogee waɗii, ɗo fayee alaa) 

Internet penaale mun keewɗe e fenooɓe mun, e jaɓɓe kadi jaaɓooɓe fenaande mun e penaale mun. 

Hannde kam Kala beemɗo so naatii heen so reenaaki wontata ko majjuɗo juumɗo, jiiɓiiɗo, haaldude kadi wona mettuɗo

Faamnude cattuɗo, waɗtude ɗuum e laawol kam ɓuri dawol gese muusde e mettude, sibu majjere e weemre. 

Mi ɓooyii yiyde e nannde penaale laamɗe cer, e nder internet goonga nih won heen e yimɓe naŋngirooɓe kadi won heen Yimɓe, sikkooɓe wonnde ɗeen penaale 

ko goonga laaɓɗo cer. 

Ko ɗuum nih saabii hannde ɗuum Wontii tampere, wontii ngaanumma Wontii ñawu, mo alaa hay safaara. 

WALLA SAFAARA MUN KAM WEEƁAANI. 

Sibu hoore ñawu oo, ko ganndal ñawɓe heen ɓee, fof walla ko ɓuri heen heewde ñawni ɗumʼen tan ko majjere, tee kala jiɗɗo heen sellude ko maa ndaarta heen ganndal. ko fayti e oon fannu.( Waawde seendude goonga e fenaande) 

Hol ganndal, ñawɓe e nder internet poti ndaartude mbele ina cella ceerta e ndeen majjere, e ndeen tampere, Ɗuum dee kam ina tiiɗi tiiɗaani, ina weeɓi weɓaani, ina newii newaaki, ina saɗti kono kadi kam wonannde jiɗɗo saɗtaani fof tan fawii koy yimɓe no mbaadi, ko ɗuum jarani ɗumʼen jikkuuji mum en Hakkillaaji mun ekn… 

Sibu yimɓe ne ceerti e fannuuji keewɗi pamɗaani, won heen waaɓe no am nih jaŋngaani E nder internet haydara hay batte heen paamaani, joomun en ko pucci ndogii tan ('''') bamɗi laawiima,  ko ɓeen fof ɓuri yurminaade e nder internet sibu ɓe njuurnaaki ɓe njuurnitaaki Kala kadi koɓe njiyi ɓe ndewat heen, kala koɓe nani ɓe njaggat heen. haa tiiɗa ɓe mbiya ko ɗum goonga hay so tawii ko fenaande. 

Ɓeen Kam ko maa mballee heen no feewi so wonaa ɗum tan fayaani ɗo Moƴƴi Ko ɗuum dee cikkumi. 

Refti heen ko wotɗe ɓe nganndu ko jaŋnguɓe, annduɓe ko heewi kadi nih weemtuɓe, e fannuuji keewɗi, nternet koɓe huutortooɓe no feewi Kono kam ndaartude heen nganndal kam haydara ɓe kaalaani heen, ɓe coftanaani ɗum, haɓe ngaamani ɗum no feewi, miin kam mbiyatmi ko ɓeen nih ɓeeydani waaɓe no am nih caɗeele, sibu ko kamɓe.. poti etaade waawde Seerndude goonga e fenaande, kono ko kamɓe nih ɓuri waawde sarde penaale e nder internet sibu ko kamɓe TAN njiyata binndi, njiyata penaale keewɗe ina mbinndaa e ɗemɗe goɗɗe JANANE ɓe ƴeɗta ɗum, ɓe mbaɗta ɗum e ojooji,  walla vidooji  taw koy pulaar ɓe cara ɗum e pelle WhatsApps, EKN… 

TEE ko wayno deenɗam "ABU AAN" en kala ko ari e mum’en fof nan-ngirta ɗum tan  ko goonga ɓennina ƁEEN KO ƊOON TAN ƁE KEEDI ƁENNINDE. goonga e fenaande fof, Ngoppee ko ari e mon fof ɓenni non moƴƴaani yooɗaani feewaani, sibu ko heewi heen ko penaale ɓole. 

SUIVEZ NOUS SUR YOUTUBE
 RENNDO FULBE